Azərbaycan kubokunda keçənilki final təkrarlanmayacaq

Bu gün AFFA-nın inzibati binasında futbol üzrə sayca 19-cu Azərbaycan kubokunun püşkatma mərasimi keçirilib. Lent.az-ın verdiyi məlumata görə, tədbirdə çıxış edən Peşəkar Futbol Liqasının mətbuat katibi Aslan Şahgəldiyev kubokda yeniliklər barədə danışıb.

O bildirib ki, ¼ final mərhələsinə qədər cütlüklər cəmi bir oyun keçirəcəklər. Bu oyunun hansı komandanın meydanında təşkil olunmasına da püşkatma ilə aydınlıq gələcək. Ümumilikdə, Unibank Premyer Liqasında çıxış edən 12, I divizionda isə 10 komanda ötən mövsüm çempionatda tutduqları yerə əsasən 4 səbətə bölünüb. İlk 3 səbətə Unibank Premyer Liqasının, 4-cü səbətdə isə I divizionun komandaları yer alıb.

Püşkə əsasən, aşağıdakı komandalar görüşəcəklər:

1/16 final (26-27 oktyabr)

I - “Şahdağ” (Qusar) - “Gəncə” (Gəncə)

II - “Karvan” (Yevlax) – “MKT-Araz” (İmişli)

III - “Bakılı” (Bakı) – “Neftçi” İSM (Bakı)

IV – “Abşeron” (Bakı) – MOİK (Bakı)

V - “Anşaq-Petrol” (Neftçala) – “Şuşa” (Şuşa)

VI - “Şəmkir” (Şəmkir) – “Rəvan” (Bakı)

1/8 final (7-8 dekabr)

1. I cütün qalibi – “Neftçi” (Bakı)

2. “Xəzər-Lənkəran” (Lənkəran) – II cütün qalibi

3. “Qəbələ” (Qəbələ) - III cütün qalibi

4. “Bakı” (Bakı) - “Muğan” (Salyan)

5. “Simurq” (Zaqatala) - IV cütün qalibi

6. V cütün qalibi – “İnter” (Bakı)

7. VI cütün qalibi - AZAL (Bakı)

8. “Qarabağ” (Ağdam) – “Turan” (Tovuz)

Püşkə əsasən, “Neftçi” və “Xəzər Lənkəran” klublarının iştirakı ilə final matçı baş tutmayacaq. Son illərin ən prinsipial rəqibləri yalnız ¼ finalda üz-üzə gələ bilərlər. Bu cütü “Xəzər Lənkəran” qələbə ilə başa vurarsa, ötən mövsümün finalında “Bakı” ilə qarşılaşma bu dəfə yarımfinalda baş tuta bilər. Digər yarımfinal görüşündə isə “İnter”lə “Qarabağ”ın görüşmə ehtimalı yüksəkdir.

¼ final (2-3 mart və 8-9 mart)

9. 1 cütünün qalibi – 2 cütünün qalibi
10. 3 cütünün qalibi – 4 cütünün qalibi
11. 5 cütünün qalibi – 6 cütünün qalibi
12. 7 cütünün qalibi – 8 cütünün qalibi

Yarımfinal (27 aprel və 4 may)

9 cütünün qalibi – 10 cütünün qalibi
11 cütünün qalibi – 12 cütünün qalibi

28 may - Final.