Anar Salmanov hakimliyə qaytarıldı

Lent.az-ın Peşəkar Futbol Liqasının rəsmi saytına istinadən verdiyi məlumata görə, ötən tur “İnter” – “Muğan” matçındakı idarəçiliyi qonaqlar tərəfindən narazılıqla qarşılanan Elnur Muradov məcburi istirahətə göndərilib.

Əvəzində “Xəzər Lənkəran” – “Bakı” görüşündə səvlərə yol verdiyi təsdiqlənən FİFA referisi Fariz Yusifov AZAL – “İnter” qarşılaşmasına təyinat alıb. VI turda “Muğan” – “Xəzər Lənkəran” matçında idarəçiliyi qonaqların kəskin etirazı ilə qarşılanan digər beynəlxalq dərəcəli hakim Anar Salmanov yenidən iş başına qayıdıb. Amma ona I divizionun “Rəvan” – “MKT-Araz” oyunu həvalə olunub.

Ümumiyyətlə, Unibank Premyer Liqasının qarşıdakı turunun 6 görüşündən 3-ü gənc hakimlər Ramil Diniyev, Ceyhun Haşımov və Elvin Əsgərova etibar edilib. Əvəzində Rövşən Əhmədov kimi təcrübəli referi I divizionun oyununa göndərilib.

16 oktyabr (şənbə)

18:00. “Bakı” – MOİK (Bakı)
Tofiq Bəhramov adına Respublika stadionu.
Hakimlər: Ramil Diniyev, Azad Q. Hüseynov, Rza Məmmədov, Feyzulla Feyzullayev

15:00. “Qəbələ” – “Muğan” (Salyan)
Qəbələ şəhər stadionu.
Hakimlər: Elçin Məmmədov, Mehman Mahmudov, Mübariz Haşımov, Fuad Həsənov

16:30. AZAL (Bakı) – “İnter” (Bakı)
“Şəfa” stadionu.
Hakimlər: Fariz Yusifov, Elman Musayev, Aleksandr Musatkin, Alik Yunusov

17 oktyabr (bazar)

15:00. “Turan” (Tovuz) – “Neftçi” (Bakı)
Tovuz şəhər stadionu.
Hakimlər: Ceyhun Haşımov, Ramiz Əsədov, İlham Əliyev, Tahir Əhmədov

15:00. “Gəncə” – “Xəzər Lənkəran”
Gəncə şəhər stadionu.
Hakimlər: Vüsal Əliyev, Munis Abdullayev, Eldar Nağıbəyov, Hacıəli Ağayev

15:20. “Qarabağ” (Ağdam) – “Simurq” (Zaqatala)
Tofiq Bəhramov adına Respublika stadionu.
Hakimlər: Elvin Əsgərov, Roman Vasilyev, Elşən Durmuşov, Əfqan Həmzəyev.