Mübariz Mənsimov və Telman İsmayılovun klubları üz-üzə

Klubun direktoru Höccət Hacıyevin Lent.az-a verdiyi məlumata görə, 37 nəfərdən ibarət heyət azərbaycanlı iş adamı Telman İsmayılova məxsus “Mardan Palace” otelində məskunlaşacaq.

Baş məşqçi Mirça Rednik, onun köməkçisi Mixay Teja, qapıçılarla iş üzrə məşqçi Hafiz Əliyev, komandanın rəisi Səməd Mustafayev, baş həkim Boris Xetaqurovun da yer aldığı heyətə futbolçu qismində əsas komandadan Denis Romanov, Davit İmedaşvilli, Elvin Beqiri, Radomir Todorov, Alim Qurbanov, Ruslan Poladov, Adrian Iordake, Katalin Doman, Uinston Parks, Asif Məmmədov, Diego De Souza, Kristian Kabral, Stanku Stelian, Konstantin Arbanas, Ramazan Abbasov, Diego Ruiz, Allan Lalin, Xaqani Məmmədov və Emeka Opara, əvəzedicilərdən isə Fikrət Hacıyev, Emin Əliyev, Ruslan Həsənov və Sadiq Ramazanov daxil ediliblər.

Oktyabrın 13-dək davam edəcək toplanış çərçivəsində “Xəzər Lənkəran”ın bir neçə yoldaşluq görüşü keçirməsi gözlənilir. Rəqiblərdən biri məhz Telman İsmayılovun oğlu Sərxan İsmayılovun vitse-prezident kimi çalışdığı “Antalyaspor” olacaq. Lakin hələlik oyunun vaxtı dəqiqləşməyib.

Qeyd edək ki, “Xəzər Lənkəran”ın fəxri prezidenti Türkiyədə yaşayan azərbaycanlı iş adamı Mübariz Mənsimovdur.

Elşən Məmmədov