“Xəzər-Lənkəran” azarkeşləri bütün “Neftçi”sevərlərdən üzr istəməlidir”

Lent.az-ın məlumatına görə, bu sözləri “Neftçi”nin futbolçusu Slavço Georgievski klubun rəsmi saytına açıqlamasında deyib.

Makedoniyalı yarımmüdafiəçi sentyabrın 25-də “Xəzər Lənkəran” və “Neftçi” komandaları arasında baş tutan oyunda lənkəranlı azarkeşlərin flaqmanın bayrağını yandırması faktını pisləyib: “Təəssüf ki, matçın sonlarında yerli azarkeşlər arzuolunmaz hərəkətlərə yol verdilər. Klubun atributlarını, müqəddəs sayılan bayrağını təhqir etməyə heç kimin ixtiyarı yoxdur. Fikrimcə, “Xəzər-Lənkəran” azarkeşləri bütün “Neftçi”sevərlərdən üzr istəməlidir”.

“Xəzər Lənkəran”a 0:1 hesablı məğlubiyyətə və liderliyi əldən vermələrinə baxmayaraq, Georgiyevskinin fikrincə, “Neftçi” üçün hələ heç nə bitməyib, mübarizə qabaqdadır: “Qarşıdakı turlarda yenidən qələbələri sıralayacağıq. Azarkeşlərimiz buna əmin ola bilərlər. Ümidvaram ki, çempion tituluna məhz “Neftçi” sahib çıxacaq”.