Azərbaycan millisi dünya çempionatında bürünc medalları sıralayır

Lent.az-ın məlumatına görə, yığmamızın üzvü Aliyə Qarayeva top və lentlə hərəkətlərdə də bürünc medala layiq görülüb.

O, lentlə 28,050 xal, topla çıxışının yekununda isə 27,550 xal toplayıb. Hər iki mübarizədə qızıl və gümüş medallar Rusiya gimnastları Yevgeniya Kanayeva ilə Darya Dmitriyevaya qismət olub. Kanayeva topla 28,700 xal, Dmitriyeva lentlə hərəkətlərdə 28,825 xal toplayaraq, qızıl medal qazanıb.

Qeyd edək ki, bundan öncə Aliyə Qarayeva halqa ilə, tərkibi Aliyə Qarayeva, Anna Qurbanova və Samirə Mustafayevadan ibarət yığmamız isə ip, halqa, top və lentlə hərəkətlər üzrə komanda yarışında iki bürünc bürünc medal qazanıblar. Hələlik ümumi hesabda Rusiya 5 qızıl, 4 gümüş medalla 1-ci, Belarus 1 gümüş, 1 bürünc medalla 2-ci, Azərbaycan isə 4 bürünc medalla 3-cü pillədə qərarlaşıb. Dünya çempionatında çoxnövçülük və qrup hərəkətləri üzrə yarışlarda da gimnastlarımız çıxış edəcəklər.