25 fevral 2010 10:00 (UTC +04:00)

Azərbaycan idmançısı olimpiya çempionunu qabaqladı

Vankuver Qış Oyunlarında Azərbaycanın daha bir idmançısı mübarizəyə qoşulub.


Lent.az-ın məlumatına görə, qadınlar arasında dağ xizəkçiliyinin nəhəng slalom növündə çıxış edən Qaya Bassani Antivari ilkin mərhələni dəf etməyi bacarıb.


Əslən italiyalı təmsilçimiz 86 idmançının çıxış etdiyi ilkin mərhələdə finişə çatan 68 dağ xizəkçisindən biri olub. Amma Antivari 1 dəqiqə 30,82 saniyə nəticə ilə 66-cı yeri tutub. Finişə çata bilməyənlər arasında Norveç, Polşa, İsveçrə, Rusiya, Xorvatiya, Monako, Macarıstan, Braziliya, Andorra, Bolqarıstan, Estoniya, Çexiya, Kolumbiya, Gürcüstan, Qazaxıstan, Ermənistan və Ukrayna təmsilçiləri ilə yanaşı, olimpiya çempionu Lindsey Vonn (ABŞ) da olub. İkinci mərhələ bu gün Bakı vaxtı ilə saat 21:30-da start götürəcək.


Qeyd edək ki, Lindsey Vonn Vankuver olimpiadası öncəsi erotik fotosessiyası ilə gündəmə gəlib.

Elşən
# 161

Oxşar yazılar