Azərbaycanda məktəbli qızlar arasında dava olub.
Lent.az-ın əldə etdiyi məlumata görə, hadisə Zaqatala şəhərində qeydə alınıb.
Rayon ərazisində yerləşən internat məktəbin qız şagirdləri arasında düşən davanın hansı səbəbdən baş verdiyi hələlik məlum deyil.
Dava edən qızlar 8 və 9-cu siniflərin şagirdləri olub.
Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov Lent.az-a açıqlamasında bildirib ki, bir neçə şagird arasında mübahisə düşüb:
“Polis əməkdaşları həmin yeniyetmələrlə profilaktiki söhbət aparıb”.