Zaqatalada daun xəstəsini vurub qaçan sürücü saxlanıldı - YENİLƏNİB

Zaqatalda daun xəstəsini vurub qaçan sürücü saxlanılıb.

Lent.az xəbər verir ki, dekabrın 22-si gecə saatlarında Zaqatala rayonunun Əliabad qəsəbəsində piyada, 25 yaşlı İbrahim Daşdəmirovu avtomobillə vuran sürücü qaçıb. Hadisə yerindən yayınan “VAZ-2106” markalı avtomobilin sürücüsü Elgüc Hacımuradov polis əməkdaşları tərəfindən keçirilmiş əməliyyat -axtarış tədbirləri nəticəsində saxlanılıb.

Faktla bağlı araşdırma aparılır.

Məlumatı Daxili İşlər Nazirliyinin mətbuat xidmətinin Şəki regional qrupundan Lent.az-a təsdiq ediblər.

***
22.12.2023

Saat: 13:37

Zaqatalada 27 yaşlı daun xəstəsini maşın vurub.

Lent.az-ın məlumatına görə, hadisə Əliabad qəsəbəsində baş verib. Qəsəbə sakini 27 yaşlı Daşdəmirov İbrahim Üzeyir oğlu yolu keçmək istəyən zaman minik avtomobili tərəfindən vurulub. Hadisə zamanı müxtəlif dərəcəli ağır bədən xəsarətləri alan daun xəstəsi İ. Daşdəmirov xəstəxanaya yerləşdirilib. Onun vəziyyətinin ağır olduğu bildirilir.

Daxili İşlər Nazirliyinin mətbuat xidmətinin Şəki regional qrupundan Lent.az-a bildirilib ki, hadisənin törədən şəxsin müəyyən edilərək saxlanılması istiqamətində tədbirlər keçirilir.