Xəstə əri ilə QEYRİ-ADİ MÜQAVİLƏ bağladı: Onu güllələdi

Amerikanın Florida ştatının Daytona-Biç şəhərində bir qadın sağalmaz xəstə ərinə onu güllələyəcəyini, sonra isə intihar edəcəyini vəd edib.

Lent.az bildirir ki, amerikalı qadının əri ilə necə qeyri-adi müqavilə bağladığı və onun şərtlərini yerinə yetirə bilməməsi haqqında, “NBC News” məlumat yayıb.

Hadisə yanvarın 21-də qadın ərinin xəstəxana otağına gələrək onu güllələyərkən baş verib. Xəstəxana işçiləri hadisə yerinə polis çağırıb. Hüquq-mühafizə orqanlarının əməkdaşları atəş açan şəxsi silahını aşağı salmağa razı sala biliblər və onu nəzarətə götürüblər.

Dayton-Biç şəhərinin polis rəisi Cakari Yanqın dediyinə görə, qadın ərinin səhhətində yaranan problemlərə görə təxminən 3 həftə əvvəl aralarında söhbət olduğunu bildirib. Söhbət əsnasında belə qərara gəliblər ki, əgər kişinin vəziyyəti pisləşməkdə davam edərsə, o zaman arvadının onu öldürməsini istəyir.

“Əvvəlcə, düşünürəm ki, öldürmək və intihar etmək planlaşdırılıb. Yəni onu öldürüb və sonra silahı özünə yönəltmək niyyətində idi, lakin o, bunu edə bilməyəcəyinə qərar verib”, - Yanq deyib.

Polisin məlumatına görə, süni ventilyasiyada olan xəstələri evakuasiya etmək mümkün olmasa da, xəstələrdən və xəstəxana işçilərindən heç biri xəsarət almayıb.