Polis idarəsində bomba yüklü maşın partladıldı: 11 şəhid, 70-dən çox yaralı - YENİLƏNİB

Türkiyənin səhiyyə naziri Rəcəb Ağdağ terrorla bağlı açıqlama verib. Lent.az-ın sozcu.com.tr-yə istinadən xəbərinə görə, nazir deyib ki, hadisə nəticəsində 11 polis şəhid olub, 70-dən çox yaralı var.

Şəhid sayının artacağı ehtimalı var.

10:20

Polis bölməsinə edilən basqının ağır nəticələri məlum olub.

Lent.az CNN Türk-ə istinadən xəbər verir ki, ilkin məlumatlarda bildirilir ki, partlayış nəticəsində 8 polis şəhid olub, 45 nəfər isə yaralanıb.

Hadisə PKK-nın bomba yüklənmiş maşınının idarənin qabağında partladılması nəticəsində baş verib. Qəsəbənin bütün giriş-çıxışları bağlanıb.

10:02

Türkiyənin Şırnaq vilayətinin Cizre rayonunda Çevik Polis İdarəsinə silahlı basqın olub.

APA-nın yerli mətbuata istindən xəbərinə görə, idarədə güclü partlayış törədilib. Partlayış nəticəsində bina tamamilə dağılıb. Hələlik hadisə nəticəsində ölən və ya yaralananlar barədə məlumat yoxdur. Hadisə yerinə 12 təcili tibbi yardım maşını, 2 təcili tibbi yardım helikopteri və xilasetmə briqadaları, qonşu rayonlardan hərbçilər və polislər cəlb olunub. Hazırda ərazidə atışma səsləri eşidilir.