Martın 13-də Bakıda gənc oğlan müəmmalı şəkildə dünyasını dəyişib. Nərimanov rayon Polis İdarəsindən Lent.az-a verilən məlumata görə, Z.Bünyadov prospekti 28c, mənzil 9 ünvanında kirayə yaşayan Yardımlı rayon sakini 1994-cü il təvəllüdlü Xudiyev Ülvi Səfər oğlu yaşadığı mənzildə qəfil ölüb.
Məlumata görə, Ü.Xudiyev Azərbaycan Texniki Universitetinin 1-ci kurs tələbəsidir. O digər 3 tələbə ilə həmin evdə yaşayırmış. Hadisə baş verən zaman isə 19 yaşlı oğlan evdə tək olub. Yoldaşları evə gələndə onun meyitini mətbəxdə aşkarlayıblar.
Hazırda Ü.Xudiyevin ölüm səbəbləri araşdırılır.
Qeyd edək ki, müəmmalı şəkildə dünyasını dəyişmiş tələbənin valideynləri Yardımlı rayonunda yaşayır. Onun atası Yardımlı rayon Polis Şöbəsinin əməkdaşıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
