FHN Salyandakı yanğınla bağlı məlumat yaydı

Fövqəladə Hallar Nazirliyi Salyan rayonunda baş verən yanğınla bağlı məlumatg yayıb. Lent.az nazirliyin saytına istinadən xəbər verir ki, Salyan rayonunda vətəndaşa məxsus məxsus ümumi sahəsi 150 kv.m olan birmərtəbəli 2 otaq və aynabənddən ibarət evin yanar konstruksiyaları və ev əşyaları 120 kv.m sahədə yanıb.

Yanğının kəşfiyyatı zamanı ev sahibinin anası, 1938-ci il təvəlüdlü Nəcəfova Şəfiqə Məmməd qızı müxtəlif dərəcəli yanıq xəsarətləri ilə yanğınsöndürənlər tərəfindən xilas olunaraq təcili yardım xidmətinə təhvil verilib, lakin xəstəxanaya aparılan zaman xəstə yolda vəfat edib. Evin qalan hissəsi yanğından mühafizə olunub . Yanğın saat 15:03-da yanğınsöndürənlər tərəfindən söndürülüb.

15:10

Salyan rayonunda ölümlə nəticələnən yanğın hadisəsi baş verib.

APA-nın Mil-Muğan bürosunun məlumatına görə, hadisə bu gün günorta saatlarında şəhərin H.Z.Tağıyev küçəsində yerləşən Salyan şəhər sakini Nəcəfov Rəsul Əbülfəz oğluna məxsus 3 otaqlı fərdi yaşayış evində qeydə alınıb. Yanğının söndürülməsinə Fövqəladə Hallar Nazirliyinin Salyan Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub. Yanğın lokallaşdırılıb.

Yanğın zamanı tüstüdən zəhərlənən 77 yaşlı Şəfiqə Məmməd qızı Nəcəfova Salyan Rayon Mərkəzi Xəstəxanasına çatdırılarkən yolda dünyasını dəyişib.

Faktla bağlı araşdırma aparılır.