Qaradağda mina tapılıb

Fövqəladə Hallar Nazirliyinin (FHN) “112” qaynar telefon xəttinə daxil olmuş məlumata əsasən, Qaradağ rayonunun Ələt qəsəbəsi ərazisində partlayıcı qurğu olduğu ehtimal edilən şübhəli əşyanın aşkarlanması barədə məlumat daxil olub.

Lent.az-ın FHN-in saytına istinadən məlumatına görə, dərhal nazirliyin müvafiq qurumlarının mütəxəssisləri hadisə yerinə cəlb edilib, aidiyyəti qurumlar məlumatlandırılıb. Nəticədə qeyd olunan ərazidə 1 ədəd TM-62 markalı mina aşkar edilərək zərərsizləşdirilib. Əməliyyat saat 13:40-da başa çatıb.