Mil-Muğan kanalında batan Neftçala sakininin meyiti tapılıb. Lent.az-ın FHN-nin saytına istinadən verdiyi xəbərə görə, hadisə yerinə cəlb olunmuş FHN-nin Nəzarət və Sularda Xilasetmə Dövlət Xidmətinin dalğıc-xilasediciləri 1989-cu il təvəllüdlü Təbriz Bağırov Abasət oğlunun cəsədini tapıb çıxararaq aidiyyəti üzrə təhvil veriblər.
*** 19.54
Neftçala sakini Mil-Muğan kanalının Xəzər dənizinə axan hissəsində batıb. APA-nın Mil-Muğan Bürosunun verdiyi məlumata görə, batan şəxs rayonun Yeni Qışlaq kənd sakini 1989-cu il təvəllüdlü Bağırov Təbriz Havasəb oğludur. Hazırda o, Fövqəladə Hallar Nazirliyinin dalğıc-xilasediciləri tərəfindən axtarılır.