“15 ildir anam yuxuma girmir” <span style="color:red;">- Nadir Qafarzadə
12 fevral 2015 19:05 (UTC +04:00)

“15 ildir anam yuxuma girmir” - Nadir Qafarzadə

“15 ildir anam yuxuma girmir”. Lent.az-ın məlumatına görə, bu sözləri müğənni Nadir Qafarzadə “Günaydın” verilişində deyib. İfaçı deyib ki, vaxtilə anasının ona bağışladığı xalçanı imkansız olarkən satdığı üçün özünü bağışlaya bilmir: “Bəlkə də anam məni nələtləyib. 12 yaşımda atamı itirdim. Çətin günlərim bundan sonra başladı. Anam 8 uşağı təkbaşına böyütdü. Yun əyirib, xalça toxuyardı. Mən ailə quranda toxuduğu xalçalardan birini mənə, qolbağısını isə həyat yoldaşıma verdi. Ancaq evdə çörəyimiz olmayanda mən həmin xalçanı satdım. Bunu öyrənəndə anam məndən incidi. Dedi ki, “Sənə hər şeyi bağışlayardım, amma bunu yox. O xalçaya mən illərimi, gözümün nurunu vermişdim”. Ona görə mən hələ də özümü bağışlaya bilmirəm. Düz 15 ildir anam yuxuma girmir. Elə bil məndən küsüb”.

 

Qeyd edək ki, N.Qafarzadənin anası 15 il əvvəl vəfat edib.

# 54
avatar

Oxşar yazılar