Ötən gün Masallı-Yardımlı avtomobil yolunda baş verən yol qəzasında yaralanan şəxslərdən biri ölüb.
APA-nın yerli bürosunun verdiyi məlumata görə, Masallı rayonunun Ərkivan qəsəbəsində baş verən qəzada xəsarət alaraq xəstəxanaya yerləşdirilən, 1983-cü il təvəllüdlü Ramal Xeyrulla oğlu Həsənov dünyasını dəyişib.
Qeyd edək ki, ötən gün Masallı rayonunun Ərkivan qəsəbəsində Dadoba kənd sakini, 1981-ci il təvəllüdlü Bəhruz Nadir oğlu Sadıqov sükanı arxasında olduğu 10-MT-517 dövlət qeydiyyat nişanlı "Mercedes" markalı avtomobildə idarəetməni itirib və avtomaşın yolun kənarındakı elektrik dirəyinə çırpılıb. Nəticədə sürücü ilə birgə avtomobildə olan həmkəndliləri - 1983-cü il təvəllüdlü Ramal Xeyrulla oğlu Həsənov, 1983-cü il təvəllüdlü Pərviz Cavanşir oğlu Qurbanov və 1991-ci il təvəllüdlü Elxan Cavad oğlu Cavadov müxtəlif dərəcəli bədən xəsarətləri alıblar.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
