Göygöldə zəhərlənmə hadisəsi qeydə alınıb. APA-nın qərb bürosunun verdiyi məlumata görə, hadisə rayonun Yeni Qızılca kəndində qeydə alınıb. Kənd sakini 1969-cu il təvəllüdlü Ulduz Mehdiyeva sirkə turşusu içərək ağır dərəcədə zəhərlənib. O, dərhal Gəncə şəhər Təcili Tibbi Yardım xəstəxanasına yerləşdirilib. Vəziyyətinin orta ağır olduğu bildirilir. U. Mehdiyevanın hansı məqsədlə sirkə turşusu içməsi hələ ki, məlum deyil.
Faktla bağlı Göygöl rayon Polis Şöbəsində araşdırma aparılır.