Goranboyda 22 yaşlı oğlan bıçaqlandı

Goranboyda bıçaqlanma olub.

APA-nın qərb bürosunun verdiyi məlumata görə rayonun Qaradağlı kənd sakini, 1993-cü il təvəllüdlü Orxan İmamquliyev döş qəfəsinin kəsilmiş deşilmiş yarası diaqnozu ilə Gəncə şəhər Təcili Tibbi Yardım xəstəxanasına yerləşdirilib.

Dərhal əməliyyat edilən yaralının vəziyyəti ağır qiymətləndirilir. O. İmamquliyevin kim tərəfindən bıçaqlandığı hələ ki, bilinmir.

Faktla bağlı Goranboy rayon Polis Şöbəsində araşdırma aparılır.