Əl yükündən narkotik vasitə çıxdı

Astara Gömrük İdarəsinin sərnişin-nəqliyyat şöbəsində İran İslam Respublikasından Azərbaycana “Renault Megan” markalı minik avtomobili ilə sərnişin qismində gələn İran vətəndaşı Meisam Ahmadi gömrük nəzarətindən keçərkən kinoloji xidmət iti onun çamadanına reaksiya verib. Lent.az-ın Dövlət Gömrük Komitəsinin saytına istinadən verdiyi məlumata görə, nəticədə, həmin əl yükünə baxış zamanı oradan 4 ədəd bükümdə, ümumi xalis çəkisi 20,17 qram olan narkotik vasitə - həşiş aşkar edilib.

Faktla bağlı təhqiqat aparılır.