Bakıda yoxa çıxan gənc Gürcüstanda imiş

Bakıda itkin düşmüş şəxsin yeri müəyyənləşdirilib. Lent.az Bakı şəhər Baş Polis İdarəsinə istinadən xəbər verir ki, əməliyyat-axtarış tədbirləri nəticəsində, sentyabrın 10-da saat 13 radələrində M.Əliyev küçəsində işlədiyi avtomobil təmiri sexindən Bakı şəhər sakini 1993-cü il təvəllüdlü Hümbət Məmmədlinin itkin düşməsi barədə polisə daxil olan məlumat üzrə araşdırma aparılıb. Müəyyən olunub ki, H.Məmmədli sentyabrın 9-da Şıxlı sərhəd keçid məntəqəsindən Gürcüstana Respublikası ərazisinə keçib.