Bakıda ağır qəza: ölənlər və yaralananlar var - YENİLƏNİB

Suraxanı rayonunun Hövsan qəsəbəsində yol-nəqliyyat hadisəsi baş verib.

Lent.az Daxili İşlər Nazirliyinə istinadən xəbər verir ki, oktyabrın 5-də saat 20 radələrində Suraxanı rayonunun Hövsan qəsəbəsində hələlik sürücüsünün şəxsiyyəti müəyyən edilməmiş “Mitsubishi” markalı avtomobil aşıb. Nəticədə sərnişinlərdən Bakı şəhər sakini Məhəmməd Hüseynov və Oğuz rayon sakini Eyvaz Osmanov ölüb, digər 6 sərnişin isə xəstəxanaya yerləşdirilib. Suraxanı RPİ tərəfindən araşdırma aparılır.

02:52

Bakıda ağır yol qəzası baş verib, 2 nəfər ölüb, 6 nəfər ağır xəsarətlər alıb. APA-nın məlumatına görə, hadisə Zığ şossesində qeydə alınıb.

Şirkətlərdən birinə məxsus “Mitsubishi” markalı pikap avtomobili şosse ilə yüksək sürətlə hərəkətdə olarkən sürücü idarəetməni itirib və maşın aşıb. Qəza nəticəsində hələlik şəxsiyyəti məlum olmayan bir nəfər hadisə yerində ölüb, daha 7 nəfər isə yaralanıb. Yaralılardan 48 yaşlı Eyvaz Osmanov 3 saylı Şəhər Klinik Xəstəxanasına çatdırılsa da, həkimlər onun həyatını xilas edə bilməyiblər.

3 saylı Şəhər Klinik Xəstəxasnasından APA-ya verilən məlumata görə, hazırda xəstəxananın reanimasiya şöbəsində 6 ağır yaralı var. Onlar aşağıdakılardır:

Mehdi Əlihüseynov, 37 yaş

Dadaş Ağayev, 38 yaş

Mehman Məhərrəmov, 44 yaş

Elşən Dəmirov, 55 yaş

Bəxtiyar Qəribov, 26 yaş

Zahid Zeynalov, 25 yaş.

İlkin ehtimala görə, qəzaya yüksək sürət və yağışlı hava səbəb olub.

Faktla bağlı araşdırmalara başlanılıb. Hadisə yerində ölənin şəxsiyyəti dəqiqləşdirilir.