Bakıda binanın damında intihar etmək istəyən şəxs xilas edildi

Bakıda intihara cəhd olub. Lent.az Fövqəladə Hallar Nazirliyinin saytına istinadən xəbər verir ki, “112” qaynar telefon xəttinə Bakı şəhəri, Nərimanov rayonunda 1 nəfərin binanın damına çıxaraq intihar etmək niyyətini nümayiş etdirməsi ilə bağlımüraciət daxil olub. Dərhal Fövqəladə Hallar Nazirliyinin xilasetmə qüvvələri hadisə yerinə cəlb olunub.

Xilasedicilər təhlükəsizlik tədbirləri görüb və suisidentin intihar cəhdinin qarşısı alınaraq aidiyyəti üzrə təhvil verilib.

Əməliyyat saat 15:00-da başa çatıb.