Azərbaycanda bir neçə oğurluq hadisəsinin üstü açılıb
06 yanvar 2018 17:25 (UTC +04:00)

Azərbaycanda bir neçə oğurluq hadisəsinin üstü açılıb

Azərbaycanın bir sıra ərazilərində baş verən oğurluq hadisələrinin üstü açılıb. Lent.az Daxili İşlər Nazirliyinin saytına istinadən onların bir neçəsini təqdim edir:

 

Nəsimi RPİ 21-ci PB əməkdaşlarının keçirdikləri əməliyyat tədbirləri nəticəsində yanvarın 2-də rayon ərazisindəki mağazaların birindən 350 manat pul, danışıq kartları və tütün məmulatı oğurlamaqda şübhəli bilinən Bakı şəhər sakini, əvvəllər məhkum olunmuş Faiq Muradov saxlanılıb.

 

Sumqayıt ŞPİ 1-ci PB əməkdaşlarının keçirdikləri əməliyyat tədbirləri nəticəsində ötən ilin noyabr-dekabr ayları ərzində şəhər ərazisində 1 avtomobildən, 3 evdən məişət əşyaları və ərzaq məhsulları, 1 velosiped oğurlamaqda, habelə evlərdən birinin su mühərrikini elektrik enerjisi ilə təmin edən naqili kəsməkdə şübhəli bilinən Corat qəsəbə sakini, əvvəllər məhkum olunmuş Pərviz Xankişiyev həbs edilib. Faktla bağlı araşdırmalar aparılır.

 

Oğurluq etdiyinə görə tutulan Zaur Suleykinin ətrafında Sumqayıt ŞPİ 4-cü PB-nin əməkdaşları tərəfindən aparılan əməliyyat tədbirləri ilə onun bir evdən 5000 ABŞ dolları, 3000 rubl və 84 manat,  daha bir evdən isə 400 manat pul və 600 manat dəyərində qızıl əşyaları oğurlaması da müəyyən edilib.

1 2 3 4 5 İDMAN XƏBƏRLƏRİ
# 136
avatar

Oxşar yazılar