"Rasim Əliyevin rentgen müayinələri araşdırılsın" - <span style="color:red;">YENİ VƏSATƏT
10 iyun 2016 13:19 (UTC +04:00)

"Rasim Əliyevin rentgen müayinələri araşdırılsın" - YENİ VƏSATƏT

Bu gün Bakı Apellyasiya Məhkəməsində jurnalist Rasim Əliyevin ölümündə təqsirləndirilən şəxslərin birinci instansiya məhkəməsinin hökmündən verdikləri şikayət üzrə məhkəmə prosesi keçirilib.

 

 

Vəkil Fariz Namazlı-nın Lent.az-a verdiyi məlumata görə, hakim Qədim Babayevin sədrliyi ilə keçirilən prosesdə vəkil Şəmsəddin Quliyev vəsatətlə çıxış edərək Rasim Əliyevin rentgen müayinələrinin nəticələrini araşdırması ilə bağlı vəsatət verib. Məhkəmə vəsatətlə tanış olmaq üçün prosesi iyunun 17-dək fasilə elan edib.

 

 

Qeyd edək ki, Rasim Əliyev ötən il avqustun 8-də bir qrup şəxs tərəfindən döyülüb. Xəstəxanaya yerləşdirilən R. Əliyevin üzərində cərrahiyyə əməliyyatı aparılıb. Rasim Əliyev xəstəxanada vəfat edib. Həmin faktla bağlı Kənan Mədətov, Camal Məmmədov, Samir Mustafayev, Elşən İsmayılov, Arif Əliyev və futbolçu Cavid Hüseynov tutulub. Bir müddət sonra cinayət işinin materiallarından Cavid Hüseynovun cinayət işi ayrılaraq ayrıca icraata verilib. Bakı Ağır Cinayətlər Məhkəməsinin hökmü ilə Kənan Mədətov və Samir Mustafayevin hər biri 9 il, Camal Məmmədov 11 il , Arif Əliyev 12 il 6 ay, Elşən İsmayılov 13 il müddətinə azadlıqdan məhrum ediliblər. C. Hüseynovun üzvü olduğu "Qəbələ" futbol klubu bildirib ki, futbolçunun adının fotojurnalist Rasim Əliyevin qətli ilə əlaqələndirilməsi klub tərəfindən bütün ciddiyyəti ilə qarşılanıb. Klub bu oyunçunun Avropa Liqası kimi məşhur turnirdə komanda üçün nə qədər böyük əhəmiyyətə malik olmasına baxmayaraq, öz dəyərlərinə sadiq qalaraq, hüquq-mühafizə orqanları tərəfindən həbsdən əvvəl onu komandadan uzaqlaşdırıb. Klub məsələnin ədalətli, obyektiv və şəffaf şəkildə araşdırılacağına və mərhum Rasim Əliyevin valideynlərinin dərdinə şərik olaraq bütün günahkarların cəzalarını alacağına inandığını qeyd edib, bunun ölkəmiz və idmanımızın imici üçün də çox vacib olduğunu vurğulayıb.

# 86
avatar

Səlcuq Elçin

Oxşar yazılar