[b]"Formula 1" pilotlarının avtoqraf sessiyası keçirildi[/b]
26 aprel 2019 12:55 (UTC +04:00)

[b]"Formula 1" pilotlarının avtoqraf sessiyası keçirildi[/b]

Bakıda Formula 1 pilotlarının avtoqraf sessiyası keçirilib.
 
Sessiya Dənizkənarı Milli Parkda fan-zonada baş tutub.
 
İlk sessiyada “Red Bull Racing”, “Ferrari” və “Renault” komandalarının pilotları azarkeşlərlə görüşüb və avtoqraf veriblər.
 
Növbəti avtoqraf sessiyalar aprelin 27-si və 28-də baş tutacaq. Aprelin 27-də “Racing Point”, “Alfa Romeo” və “Mercedes”, aprelin 28-də isə “Williams, “McLaren”, “Haas F1” və “Toro Rosso” komandalarının pilotları avtoqraf sessiyaları keçirəcək.
 
Xatırladaq ki, Formula 1 Bakıda 2016-cı ildən keçirilir. Şəhər trasının uzunluğu 6 kilometrdən bir qədər çoxdur. Trekin ən geniş sahəsi 13 metr, ən dar hissəsi isə İçərişəhər yaxınlığında, yeddi və səkkizinci döngələrdir – 7,6 metr. Start və finiş xətti “Azadlıq” meydanındadır.
 
2016-cı ildə “Williams” komandasının pilotu Valtteri Bottas tərəfindən Bakıda Formula 1 yarışlarının sürət rekordu qeydə alınıb – 378 km/saat.
 
Azərbaycanda Qran Priyə tamaşa etmək üçün daha çox Rusiya, Böyük Britaniya, Gürcüstan, Niderland, Polşa, BƏƏ və Finlandiya vətəndaşları səfər edirlər.
 
 
(Trend)
1 2 3 4 5 İDMAN XƏBƏRLƏRİ
# 565
avatar

Oxşar yazılar