“MTN-də mənə çay, çörək təklif elədilər” - <span style="color:red;">ZƏRƏRÇƏKMİŞ
11 may 2017 18:20 (UTC +04:00)

“MTN-də mənə çay, çörək təklif elədilər” - ZƏRƏRÇƏKMİŞ

 

Ləğv edilmiş Milli Təhlükəsizlik Nazirliyinin (MTN) Monitorinq Mərkəzinin sabiq rəisi, general-mayor Teymur Quliyev, Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanov, Əməliyyat-texniki idarəsinin rəisi, general-mayor Natəvan Mürvətova, həmin qurumun digər vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmə davam edib.

 

Lent.az-ın məlumatına görə, Bakı Hərbi Məhkəməsinin sədri hakim Həbib Həsənovun sədrliyi ilə keçirilən proses Sabunçu rayon Məhkəməsinin inzibati binasında baş tutub.

 

Proses haqqında general Sübahir Qurbanovun vəkili İlkin Mustafa məlumat verib.

 

Prosesdə zərərçəkmiş şəxs qismində Fizuli Xurşudov dindirilib. O, heç bir tələbinin və şikayətinin olmadığını deyib: “Məni MTN-ə çağırdılar. Sorğu-sual etdilər. Mən də normal olaraq onların suallarını cavablandırdım. Hətta nazirlikdə mənə çay, yemək təklif elədilər. MTN-də mənə heç bir təzyiq olunmayıb”.

 

Daha sonra zərərçəkmiş şəxs qismində Zabil Salmanov dindirilib. O, ifadəsində təqsirləndirilən şəxslərə qarşı şikayəti olduğunu dilə gətirib.

 

Vəkillərin suallarının bir çoxuna cavab verməyən zərərçəkmiş müdafiəçilərlə mübahisə edib. Hakim Həbib Həsənov Zabil Salmanova xəbərdarlıq edib.

 

Proses mayın 16-da davam edəcək.

 

Qeyd edək ki, ləğv olunmuş Milli Təhlükəsizlik Nazirliyinin sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, eləcə də həmin qurumun digər vəzifəli şəxsləri  - Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun 2004-2015-ci illər ərzində mütəşəkkil dəstə tərkibində xidməti vəzifələrinin icrası ilə əlaqədar hakimiyyətdən və öz qulluq mövqelərindən sui-istifadə ediblər.

 

Dəstə üzvlərinin sahibkarların psixi və fiziki zorakılıqlara məruz qalmaqla xəsarətlər almaları, sərbəst buraxılmaları müqabilində tələb olunan vəsaitin əldə olunması üçün ayrı-ayrı şəxslərə və kommersiya banklarına qarşı külli miqdarda borc və kredit öhdəliklərinin yaranması kimi ağır nəticələrə səbəb olan, özlərinin və yaxın qohumlarının şəxsiyyəti üzərində zor göstərmə, tutma, həbsə alma və barələrində rüsvayedici məlumatlar yayma hədəsi ilə fiziki və psixi təsirlər göstərilməklə 162 zərər çəkmiş şəxsin ümumilikdə 18 milyon 437 min manat, o cümlədən 6 milyon 449 min manat məbləğində külli miqdarda pul vəsaitlərini, 5 milyon 693 min manat dəyərində zərgərlik məmulatları və daşınmaz əmlaklarını quldurluq və hədə-qorxu ilə tələb etməklə ələ keçirmələrinə, 5 milyon 295 min manat məbləğində nağd pul vəsaitlərini rüşvət kimi almalarına, həmçinin dövlət büdcəsindən xidməti vəzifələrinin icrası üçün ayrılmış 1 milyon manat məbləğində pul vəsaitlərini vəzifə saxtakarlığı ilə mənimsəmələrinə dair şübhələr müəyyən olunub.

 

Zərərçəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər Sübahir Qurbanov, Füzuli Əliyev, Zaur Məmmədov, Natiq Alıyev, Teymur Quliyev, Natavan Mirvətova və qeyrilərinə məxsus ümumilikdə 21 milyon 528 min manat dəyərində əmlak və pul vəsaitlərinin, o cümlədən 20 milyon 971 min manat dəyərində daşınmaz əmlak, 272 min manat dəyərində nəqliyyat vasitələri, 42 min manat dəyərində zərgərlik və digər qiymətli məmulatlar, 88 min manat, 88 min ABŞ dolları və 5 min Avro nağd pul vəsaitləri üzərinə həbslər qoyulub.

 

# 89
avatar

Səlcuq Elçin

Oxşar yazılar

Gəncədə bazarda yanğın oldu

Gəncədə bazarda yanğın oldu

14 aprel 2024 , 10:56
Biznesmenin yarım milyardı  oğurlandı

Biznesmenin yarım milyardı oğurlandı

13 aprel 2024 , 19:00
Polis rəisinin müavini  rüşvətə görə tutuldu

Polis rəisinin müavini rüşvətə görə tutuldu

13 aprel 2024 , 18:40
Bakıda gənc oğlan sübh tezdən özünü asdı

Bakıda gənc oğlan sübh tezdən özünü asdı

13 aprel 2024 , 18:24
Bakıda maşın bazarında 4 mağaza YANDI   -  YENİLƏNİB  - VİDEO

Bakıda maşın bazarında 4 mağaza YANDI - YENİLƏNİB - VİDEO

13 aprel 2024 , 16:23
Bakının mərkəzində kafedən oğurluq edilib

Bakının mərkəzində kafedən oğurluq edilib

13 aprel 2024 , 13:33
Gəncədə DƏHŞƏT:  evdə diri-diri yandı -  YENİLƏNİB

Gəncədə DƏHŞƏT: evdə diri-diri yandı - YENİLƏNİB

13 aprel 2024 , 12:39
Bakıda motosiklet ağaca çırpıldı, sürücü öldü

Bakıda motosiklet ağaca çırpıldı, sürücü öldü

13 aprel 2024 , 12:02