<b>5 yaşlı uşağın ölümünə səbəb olan qadına <span style="color:red;">10 İL HƏBS TƏLƏBİ </b>
01 iyun 2018 16:50 (UTC +04:00)

5 yaşlı uşağın ölümünə səbəb olan qadına 10 İL HƏBS TƏLƏBİ

5 yaşlı uşağın ölümünə səbəb olmaqda təqsirləndirilən Lalə İsrafilova barəsindəki cinayət işi üzrə məhkəmə prosesi davam edib. Lent.az-ın məlumatına görə, Bakı Ağır Cinayətlər Məhkəməsində hakim Azər Paşayevin sədrliyi ilə keçirilən prosesdə məhkəmə istintaqı başa çatıb. Prokuror çıxışında L.İsrafilovanın 10 il müddətinə azadlıqdan məhrum edilməsini tələb edib.

 

Məhkəmə prosesi iyunun 8-də davam edəcək.

 

Qeyd edək ki, hadisə 2017-ci il may ayının 9-da Quba rayonunun Bərqov kəndində baş verib. Kənd sakini, 2013-cü il təvəllüdlü Mustafazadə Fuad Həbib oğlu ailəsinin münasibəti olmadığı 1971-ci il təvəllüdlü İsrafilova Lalə Həsən qızının həyətinə icazəsiz daxil olub. Azyaşlı həyətdəki gülləri yolub, L.İsrafilova bunu görüb və uşağın həyətdən çıxmasını istəyib. Uşaq həyətdən çıxmadığı üçün o, uşağı qovub. F.Mustafazadə qadından qorxaraq həyətdən qaçmağa başlayıb. Həyət darvazasından çıxarkən uşaq küçədə yıxılıb və baş nahiyəsindən aldığı xəsarət nəticəsində dünyasını dəyişib.

 

Faktla bağlı Quba rayon Prokurorluğunda Cinayət Məcəlləsinin 126.3-cü (qəsdən sağlamlığa ağır xəsarət yetirmə, zərərçəkmişin ölümünə səbəb olduqda) maddəsi ilə cinayət işi açılıb.

 

L.İsrafilovanın barəsində həbs qətimkan tədbiri seçilməyib.

# 249
avatar

Səlcuq Elçin

Oxşar yazılar