Gürcüstanın azərbaycanlılar yaşayan Marnueli və Dumanisi rayonlarında xüsusi əməliyyat keçirilib.
Lent.az-ın Gürcüstan mətbuatına istinadən verdiyi məlumata görə, əməliyyat zamanı 13 nəfər saxlanılıb. Həmin şəxslər Rusiya və Azərbaycanda yaşayan “qanuni oğrular”ın tapşırıqlarını yerinə yetirməkdə, ağır cinayətlər törətməkdə, qanunsuz pul dövriyyəsində şübhəli sayılırlar.
Saxlanılan şəxslərin evlərində aparılan axtarışlar zamanı Makarov tipli tapançalar, ov tüfəngləri və narkotik vasitələr aşkarlanıb. Gürcüstan Daxili İşlər Nazirliyinin yaydığı məlumatda bildirilir ki, 8 nəfərdən ibarət qrup Rusiyadakı “qanuni oğru”lardan birinin tapşırığını yerinə yetirib, 5 nəfərdən ibarət ikinci qrupu isə “Quli” ləqəbli “qanuni oğru” Nadir Səlifov idarə edib. Nadir Səlifov hazırda Azərbaycanda həbsxanada məhbus həyatı yaşayır.
Cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
