2019-cu ildə Ukraynın Jitomir vilayətində polislərə silahlı hücum edən azərbaycanlının məhkəməsi başlayır.
Lent.az xarici mediaya istinadla bildirir ki, dekabrın əvvəlində hüquq-mühafizə orqanları ibtidai istintaqı başa çatdırıb. Təqsirləndirilən 35 yaşlı Azərbaycan vətəndaşı Elşən Qurbanov Ukrayna Cinayət Məcəlləsinin 290-cı maddəsi ilə ittiham olunur. Məhkəmə materialları tanışlıq üçün Qurbanovun vəkillərinə təqdim ediblər.
O, 2019-cu ilin payızında Jitomirdə polis-inkassatorlara qarşı törədilmiş silahlı quldurluq hücumunda iştirak ittiham olunur.
Qeyd olunur ki, söhbət 9 sentyabr 2019-cu ildə baş vermiş səs-küylü hadisədən gedir. Həmin gün Jitomir şəhərində Böyük Berdıçevskaya küçəsində balaklava taxmış, üzərlərində Ukrayna kəşfiyyatının simvolu olan geyimlərdə iki naməlum şəxs polis əməkdaşlarına silahlı hücum edib. Polis əməkdaşları mağazadan inkassasiya olunmuş pul vəsaitlərini xüsusi avtomobilə daşıyırmışlar. Hadisə zamanı hüquq-mühafizə orqanı əməkdaşlarından biri ayağından güllə yarası alıb, lakin 150 min qrivna olan çantanı qorumağa müvəffəq olub. Hücum edən şəxslər isə hadisə yerindən qaçıblar.
İlk əməliyyatlar zamanı Elşən Qurbanovu saxlamaq mümkün olmayıb və onun tutulması 6 il çəkib. Qurbanovun barəsində məlumat İnterpolun Baş Katibliyinin qeydiyyat bazasına daxil edilib və 2025-ci ilin iyun ayında Elşən Berlində saxlanılıb. Dekabrın əvvəlində isə Elşən Surxay oğlunun Almaniyadan Ukraynaya ekstradisiyası başa çatdırılıb.
Məhkəmə iclasında təqsirləndirilən şəxs bütün bu müddət ərzində ona aid edilən “Jitomir macəraları” barədə məlumatlı olmadığını iddia edib.
“İsti izlər”lə aparılan əməliyyat nəticəsində Milli Polis hücum edənlərdən birini saxlayıb. Məhkəmə materiallarından məlum olur ki, ilkin mərhələdə həmin şəxs günahını etiraf edib, əlbir olduğu şəxsi göstərib və barəsində həbs qətimkan tədbiri seçilib.
Saxlanılan şəxs əvvəllər qanunsuz silah dövriyyəsinə görə (Ukrayna CM-nin 263-cü maddəsinin 1-ci hissəsi) məhkum olunmuş Azərbaycan vətəndaşı Fuad Daşdəmirov olub. Sonradan o, davranış strategiyasını köklü şəkildə dəyişib. Vəkilləri isə iddia ediblər ki, ilkin etiraflar hüquq-mühafizə orqanları tərəfindən ondan “zor tətbiq etməklə alınıb”.
2022-ci ilin əvvəlində Daşdəmirov etiraz aksiyası keçirib: təqsirləndirilən şəxs quru aclıq elan edib və ağzını tikib.
Nəticədə 2022-ci ilin payızında birinci instansiya və apellyasiya məhkəmələri Fuad Fəxrəddin oğlu barəsində seçilmiş həbs qətimkan tədbirini yumşaldaraq ona 496,2 min qrivna məbləğində girov qarşılığında azadlığa çıxmaq imkanı veriblər. Daşdəmirov Jitomirdəki istintaq təcridxanasından buraxılıb. İşi üzrə baxılan məhkəmə iclaslarından birində iştirak edib və 6 fevral 2023-cü ildə Ukraynadan Moldovaya gedib. Hazırda həbsdə olan Daşdəmirov rəsmi Kiyevin Almaniya hökumətinə verdiyi təminatların icrası çərçivəsində “Çortkov Cəzaçəkmə Müəssisəsi 26 nömrəli” Dövlət Müəssisəsinin divarları arasında saxlanılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
