Toyda zəhərlənənlərlə bağlı YENİ AÇIQLAMA - YENİLƏNİB

Ağcabədi rayonunda qida zəhərlənməsi şübhəsi ilə TƏBİB-in tabeliyindəki Ağcabədi Rayon Mərkəzi Xəstəxanasının Təcili tibbi yardım şöbəsinə iyulun 9-u saat 15:33 radələrindən başlayaraq ümumilikdə 34 nəfər (11-i uşaq olmaqla) yerləşdirilib.

TƏBİB-dən Lent.az-a verilən məlumata görə, onlara qida toksiki infeksiyası diaqnozu qoyulub və hər birinə zəruri tibbi xidmətlər göstərilib.

Aparılmış zəruri tibbi müayinə və müalicə tədbirlərindən sonra xəstəxana şəraitində müalicəyə ehtiyac qalmadığından müraciət edənlərdən 33 nəfər ambulator müalicə üçün evə buraxılıb. Hazırda tibb müəssisəsinin Təcili tibbi yardım şöbəsində 1 nəfərin müalicəsi davam etdirilir. Vəziyyəti orta ağırdır.

***

10:03

Ağcabədidə toyda kütləvi zəhərlənmə olub.

Lent.az-ın xəbərinə görə, hadisə Rəncbərlər kəndində qeydə alınıb.

Mərasimində 34 nəfər, o cümlədən yetkinlik yaşına çatmayan 16 şəxs qidadan zəhərlənib. Onlar xəstəxanaya yerləşdirilib.

Zəhərlənən şəxslərin bir çoxuna ilkin tibbi yardım göstərilib və evə buraxılıb.

Faktla bağllı araşdırma aparılır.