Şəkidə avtomobil maneəyə çırpıldı - Xəsarət alanlar var
24 iyul 2021 21:42 (UTC +04:00)

Şəkidə avtomobil maneəyə çırpıldı - Xəsarət alanlar var

Şəkidə minik avtomobili qəzaya uğrayıb, üç nəfər xəsarət alıb.

APA-nın şimal-qərb bürosunun məlumatına görə, hadisə axşam saatlarında Şəki-Oğuz avtomobil yolunun Sarıca kəndi ərazisindən keçən hissədə baş verib.

“Kia” markalı minik avtomobili hərəkətdə olarkən idarəetmədən çıxaraq yolun kənarındakı beton maneəyə çırpılıb. Qəzadan sonra avtomobildə olan üç nəfər Oğuz rayon sakinləri - 20 yaşlı Cavidan Mustafayev, 23 yaşlı Kənan Nəsrullayev və 29 yaşlı Qabil Allahverdiyev aldıqları müxtəlif dərəcəli bədən xəsarətləri ilə Mingəçevir şəhər xəstəxanasına aparılıb.

Faktla bağlı Şəki Şəhər-Rayon Polis Şöbəsinin Sarıca bölməsində araşdırma aparılır.

# 1524
avatar

Oxşar yazılar