Şəkərli diabetlə yatmış qızı it komadan xilas edib

ABŞ-da xüsusi təlim keçmiş it qan şəkərinin səviyyəsi kəskin yüksəlmiş diabet sahibini xilas edib.

Lent.az xarici mediaya istinadən xəbər verir ki, noyabr ayında Virciniyadan olan Şennon Boqqs əri ilə evdə televizora baxarkən iti Spy onların yanına qaçıb. Ev heyvanı cütlüyü 1-ci tip şəkərli diabet xəstəsi olan doqquz yaşlı qızı RaeLynnin otağına aparıb.

Məlum olub ki, yatan qızın şəkər səviyyəsi normanın yuxarı həddini 2 dəfədən çox təşkil edib və hər desilitrdə 338 milliqrama çatıb. İtin sayəsində valideynlər qızına vaxtında insulin vura biliblər və hiperosmolyar diabetik komanın qarşısını alıblar.

Boqqs izah edib ki, RaeLynn hər zaman elektron qlükozometr taxır, lakin noyabr ayında o, hələ dəqiq tənzimlənməmiş və buna görə də siqnal verməyən yeni bir model alıb. Bundan əlavə, qız qrip olub, bu da qan şəkərinin səviyyəsinin yüksəlməsinə səbəb olub.

Amerikalı bildirib ki, Spy xüsusi olaraq diabet xəstələri üçün proqramında təlim keçib. Belə heyvanlar diabet böhranları zamanı xəstələrin ifraz etdiyi maddələrin iyini hiss edə bilirlər.

“Burun həmişə işləyir! O yatanda belə. Bu it ailəmiz üçün əsl nemətdir. Biz ona çox minnətdarıq”, - Boqqs sosial şəbəkədə baş verənlərlə bağlı hekayəni yekunlaşdırıb.

The pet led them to a bedroom where their nine-year-old daughter Raelynn, who suffers from Type 1 diabetes, was asleep, according a video Boggs shared on Instagram