Sabirabdda avtomobilin yol polisindən qaçarkən kanala aşması barədə xəbərlər yayılıb.
Lent.az-ın sorğusuna cavab olaraq Daxili İşlər Nazirliyi mətbuat xidmətinin Şirvan regional qrupunun baş inspektoru, polis kapitanı Nizam Həmidov bildirilib ki, qeyd edilən hadisə avqustun 19-da saat 12 radələrində Hacıqabul-Horadiz yolunun Sabirabad rayonu ərazisindən keçən 22-ci kilometrliyində baş verib.
Sabirabad rayon sakini S.Zeynalov idarə etdiyi "Ford" markalı nəqliyyat vasitəsilə hərəkətdə olan zaman idarəetməni itirib və nəticədə nəqliyyat vasitəsi yolun kənarında olan su kanalına aşıb. Hadisə nəticəsində sürücünün atası T.Zeynalov xəsarət alaraq Şirvan Şəhər Mərkəzi Xəstəxanasına yerləşdirilib. Faktla bağlı araşdırmalar aparılır.
Sürücünün yol polisindən qaçarkən hadisəni törətməsi ilə bağlı iddialar isə əsassızdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
