“Əgər sürücü sərxoş olaraq 1 nəfərin ölümünə, başqalarının isə yaralanmasına səbəb olubsa, 5 il sürücülük hüququndan və 5 ildən 8 ilə qədər azadlıqdan məhrum edilir. Əgər sərxoş olmayıbsa, 3 il sürücülük hüququ və 2 ildən 6 ilə qədər azadlıqdan məhrum edilərək cəzalandırılır”.
Bu sözləri hüquqşünas Şamil Paşayev Lent.az-a “Nikosayağı” adı ilə tanınan bloqer Nicat Şakirlinin törətdiyi qəza ilə bağlı cinayət işini şərh edərkən deyib.
Bildirib ki, yol-nəqliyyat hadisəsini törədən şəxsin sərxoş olub-olmamasına diqqət etmək lazımdır:
“Burada zərərçəkən tərəflərin şikayətçi olmamağı, barışığın olması işin yüngülləşdirən haldır. Baş vermiş hadisə ehtiyatsızlıqdan olan cinayətlər kateqoriyasına aiddir. Buna görə də məhkəmənin mövqeyi çox önəmlidir. Əgər şəxs sərxoş olmadığı halda, 5 ildən artıq cəza verilirsə, o, ümumi tipli cəzaçəkmə müəssisəsində qalır.
Əks halda, 5 ildən aşağı cəza verilərsə, şəxs məntəqə tipli cəzaçəkmə müəssisəsində qalır. Burada demək olar ki, şəxs öz azadlığını cüzi itirmiş olur”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
