Müharibə ilə bağlı köhnə görüntülər yayanlar prokurorluğa ÇAĞIRILDI
08 avqust 2022 16:08 (UTC +04:00)

Müharibə ilə bağlı köhnə görüntülər yayanlar prokurorluğa ÇAĞIRILDI

Son günlər Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri tərəfindən Azərbaycan Ordusunun mövqelərinin müxtəlif çaplı atıcı silahlardan atəşə tutulması ilə əlaqədar adekvat cavab tədbirlər görülür.

Baş Prokurorluqdan Lent.az-a verilən məlumata görə, ümumilikdə Azərbaycan mediası baş verən hadisələrə təmkinlə yanaşır, məsələnin əhəmiyyətini və həssaslıq dərəcəsini nəzərə alır, fəaliyyətini müvafiq qanunvericiliyin tələbləri əsasında qurur.  

Bununla yanaşı, bəzi hallarda sosial şəbəkə istifadəçiləri tərəfindən qanun və ədalət prinsipinə söykənən bu cür tədbirlərə kölgə salmaq, Azərbaycan əsgərlərinin həyatı təhdidlə üzləşdiyi halda həmin təhdidlərə cavab olaraq hərbi əməliyyatların keçirilməsinə qarşı çıxmaq, yalan məlumat yaymaq, saxta və ya köhnə görüntülər paylaşmaq, heç bir əsas olmadan onları aktuallaşdırmaq cəhdləri müşahidə olunur. Təəssüflə qeyd edilməlidir ki, xoş niyyət daşımayan həmin cəhdlər informasiya azadlığı, kontekstdən çıxarılmış tarixi sitatlar və saxta pasifist baxışlarla pərdələnir. 

Azərbaycan Respublikasının Baş Prokurorluğuna daxil olan məlumata əsasən yuxarıda qeyd olunan hallara yol vermiş Bakı şəhər sakinləri Rüstəm İsmayılbəyli, Fərid Hüseynov, Goranboy rayon sakini Elmar Məmmədov və Mingəçevir şəhər sakini Gülay Eyvazova prokurorluğa dəvət olunub, Qanunun tələbləri onların diqqətinə çatdırılıb.

İctimai təhlükəsizliyin kütləvi şəkildə pozulması və ictimai təhlükəli nəticələrin baş verməsi təhdidini törədən yalan məlumatların yayılması “İnformasiya, informasiyalaşdırma və informasiyanın mühafizəsi haqqında" Azərbaycan Respublikasının Qanununa əsasən yolverilməzdir. “Milli təhlükəsizlik haqqında” Azərbaycan Respublikasının Qanununa əsasən ölkənin müdafiə qabiliyyətinin zəiflədilməsinə yönəlmiş addımlar dövlətimiz üçün təhdid hesab olunur və buna xidmət edən istənilən hərəkətlərin vaxtında qarşısı alınmalıdır. 

Qeyd olunanları nəzərə alaraq, adı çəkilən şəxslərlə aparılmış söhbət zamanı onlara əməllərinin ictimai təhlükəli nəticələri izah edilmiş və “Prokurorluq haqqında” Azərbaycan Respublikasının Qanununun 22-ci maddəsinə əsasən prokuror təsir tədbiri aktı olan xəbərdarlıq elan edilib.

# 4389
avatar

Oxşar yazılar

Rusiya vətəndaşı Azərbaycanda maşınla piyadanı vurub öldürdü

Rusiya vətəndaşı Azərbaycanda maşınla piyadanı vurub öldürdü

30 yanvar 2023 , 09:28
Azərbaycanda evə basqın: hədə qorxu ilə...

Azərbaycanda evə basqın: hədə qorxu ilə...

30 yanvar 2023 , 09:09
Şəmkirdə kişi pilləkandan yıxılaraq öldü

Şəmkirdə kişi pilləkandan yıxılaraq öldü

30 yanvar 2023 , 08:24
Bakıda maşın betona, sonra işıq dirəyinə dəydi

Bakıda maşın betona, sonra işıq dirəyinə dəydi

30 yanvar 2023 , 06:22
İstanbuldan gələn qızın mədəsində  yarım kilo kokain   aşkarlandı

İstanbuldan gələn qızın mədəsində yarım kilo kokain aşkarlandı

30 yanvar 2023 , 00:37
Şəhid Orxan Əsgərovun cənazəsi Təzə Pir məscidinə gətirildi - FOTO

Şəhid Orxan Əsgərovun cənazəsi Təzə Pir məscidinə gətirildi - FOTO

29 yanvar 2023 , 23:52
Beyləqanda maşını aşırdan sürücü öldü

Beyləqanda maşını aşırdan sürücü öldü

29 yanvar 2023 , 22:33
Azərbaycanda küçədən uşaq meyiti tapıldı

Azərbaycanda küçədən uşaq meyiti tapıldı

29 yanvar 2023 , 19:52