Harvard Tibb məktəbinin meyitxanasının keçmiş rəhbəri ölənlərin orqanlarını kolleksiyaçılara satdığını etiraf edib. Məhkəmə onu 10 il müddətinə azadlıqdan məhrum edə bilər.
Harvard Tibb məktəbinin meyitxanasının keçmiş rəhbəri Sedrik Lodc elmi araşdırmalar üçün instituta bağışlanan ölülərin cəsəd hissələrinin qeyri-qanuni ticarətində günahını etiraf edib.
Lent.az bildirir ki, bu barədə “The New York Times” məlumat yayıb.
57 yaşlı Lodc 2023-cü ilə qədər meyitxanaya rəhbərlik edib. Müstəntiqlərin sözlərinə görə, beş il ərzində o, orqanları - beyinləri, dəriləri, sümükləri oğurlayıb və arvadının da daxil olduğu cinayət şəbəkəsi vasitəsilə kolleksiyaçılara satıb. Bəzən alıcıları hətta meyitxanaya da dəvət ediblər ki, onlar “məhsulu” özləri seçə bilsinlər.
Aprelin 18-də həmin şəxs bir ittiham üzrə özünü təqsirli bilib. Onu 10 ilə qədər həbs və 250 min dollara qədər cərimə gözləyir. Artıq prokurorluq cəzanın yüngülləşdirilməsini tövsiyə edib. Yekun qərarı məhkəmə verəcək.
Ümumilikdə 7 nəfərdən 6-sı bədən hissələrinin qanunsuz dövriyyəsinə görə cinayət məsuliyyətinə cəlb edilib; onlar artıq təqsirli olduqlarını etiraf ediblər və ya istintaqla işbirliyinə gediblər. İstintaq davam edir.
Harvard Tibb məktəbinin dekanı Corc Deyli keçmiş əməkdaşın hərəkətlərini “mənəvi cəhətdən rüsvayçılıq” adlandırıb və həlak olanların ailələrinə başsağlığı verib.
"Sedrik Lodcun cinayət əməlləri təhsil və tədqiqatın inkişafı üçün cəsədlərini Harvard Tibb məktəbinə fədakarcasına bağışlamağı seçən insanlar üçün mənəvi rüsvayçılıq və xəyanət idi. Lodc günahını boynuna almağa və törətdiyi cinayətlərə görə məsuliyyəti öz üzərinə götürməyə razı olsa da, bu, qurbanların ailələrinə çox az təsəlli verə bilər. Biz onlara dərin hüznlə baş sağlığımızı bildirməyə davam edirik", - Deyli söyləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
