FHN maye qazdoldurma məntəqəsini bağladı - VİDEO
26 noyabr 2022 16:25 (UTC +04:00)

FHN maye qazdoldurma məntəqəsini bağladı - VİDEO

Tovuzda maye qazdoldurma məntəqəsində yoxlama keçirilib.

Fövqəladə Hallar Nazirliyindən Lent.az-a verilən xəbərə görə, Dövlət Yanğın Nəzarəti Xidməti tərəfindən rayonun Qovlar kəndi, Vağzal küçəsində yerləşən maye qazdoldurma məntəqəsi və qaz cihazlarının təmiri sexində yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki:

 - obyekt yanğın avtomatika qurğuları ilə təmin edilməyib;

- elektrik təchizatı və elektrik qurğuları “Elektrik Qurğularının Quraşdırılması Qaydaları”nın tələblərinə uyğun quraşdırılmayıb;

- obyekt ilkin yanğınsöndürmə vasitələri ilə təmin edilməyib;

- ildırımın təsirindən və statik elektrikləşmənin boşalmasından mühafizə olunmaq üçün bütün metal aparatların yerlə birləşdirilməsi təmin olunmayıb;

- sıxılmış maye qaz balonlarının saxlanılması “Təzyiq altında işləyən tutumların (qabların) quruluşu və təhlükəsiz istismarı qaydaları”nın tələblərinə cavab vermir;

- partlayış təhlükəli stansiya otaqlarında, sıxılmış qaz və yanar qaz balonları saxlanılan otaqda hava-qaz qatılığının partlayış həddini bildirən siqnalizasiya cihazı quraşdırılmayıb;

- yüksək yanğın təhlükəsinə malik olan avadanlığın yanında təhlükəsizlik lövhəcikləri yerləşdirilməyib;

- obyektin istismar edilməsi Dövlət Yanğın Nəzarəti Xidməti ilə razılaşdırılmayıb;

- obyekt “İcbari sığortalar haqqında” Azərbaycan Respublikasının Qanununa uyğun olaraq icbari qaydada sığortalanmayıb.

Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Qeyd olunanları nəzərə alaraq, yanğın təhlükəsizliyi norma və qaydalarının tələblərinin pozulması faktları aşkar edilmiş Tovuz rayonu, Qovlar şəhəri, Vağzal küçəsində yerləşən maye qazdoldurma məntəqəsi və qaz cihazlarının təmiri sexində işlərin dayandırılması barədə Qərar qəbul olunub və Qərarın bir nüsxəsi obyektin sahibi Abdıyev Şahmurad Abbas oğluna təqdim edilib.

# 993
avatar

Oxşar yazılar

Ötən il  Kürdə batan   sakinin meyit tapıldı - FOTO

Ötən il Kürdə batan sakinin meyit tapıldı - FOTO

4 fevral 2023 , 21:31
Azərbaycanda məktəbdə  QƏRİBƏ OLAY:   Pəncərə  şüşələri sındırlıdı

Azərbaycanda məktəbdə QƏRİBƏ OLAY: Pəncərə şüşələri sındırlıdı

4 fevral 2023 , 21:16
 Azyaşlı qızlarla evlənən   2 mindən çox kişi tutuldu

Azyaşlı qızlarla evlənən 2 mindən çox kişi tutuldu

4 fevral 2023 , 19:07
Qadının içərisində pul olan çantasını əlindən aldı

Qadının içərisində pul olan çantasını əlindən aldı

4 fevral 2023 , 18:47
Bu rayon sakinlərindən 20 odlu silah götürülüb

Bu rayon sakinlərindən 20 odlu silah götürülüb

4 fevral 2023 , 18:19
Füzulidə kütləvi məzarlıq olduğu ehtimal olunan ərazidə minalar aşkarlandı

Füzulidə kütləvi məzarlıq olduğu ehtimal olunan ərazidə minalar aşkarlandı

4 fevral 2023 , 17:44
Novxanıda evin həyətindən kişi meyiti tapıldı

Novxanıda evin həyətindən kişi meyiti tapıldı

4 fevral 2023 , 17:35
Bakıda AĞIR QƏZA: polis yaralandı

Bakıda AĞIR QƏZA: polis yaralandı

4 fevral 2023 , 17:24