Əlində olan ziyilə bənzər şişləri götürmək üçün Gəncə Beynəlxalq Xəstəxanasına müraciət edən Türkan Balakişizadə vəfat edib.
Lent.az "oxu.az"a istinadən xəbər verir ki, Türkan Balakişizadə narkozun təsirindən anafilaktik şok keçirib.
Qeyd edək ki, o, fevralın 10-da əlində yaranmış şişləri götürmək üçün xəstəxanaya müraciət edib, müayinələrdən keçdikdən sonra əməliyyat edilmək üçün narkoz verilib. Nəticədə anafilaktik şok keçirib və koma vəziyyətinə düşüb.
Koma vəziyyətinə düşən Türkan Balakişizadə fevralın 23-də vəfat edib.
Onun dəqiq ölüm səbəbi tibbi ekspertizadan sonra məlum olacaq.
Məlumat üçün bildirək ki, T.Balakişizadə əslən Kəlbəcər rayonundan olsa da, Gəncə şəhərində yaşayıb. Azərbaycan Beynəlxalq Bankının (ABB) işçisi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
