DTX-dan ƏMƏLİYYAT: İcra başçısı, köməkçisi, müavini və bələdiyyə sədri saxlanıldı - YENİLƏNİB

Dövlət Təhlükəsizliyi Xidmətinin (DTX) Qax rayon İcra Hakimiyyətində həyata keçirdiyi əməliyyat başa çatıb.

Lent.az xəbər verir ki, əməliyyat nəticəsində İcra başçısı Musa Şəkiliyev, onun köməkçisi Cəlil Cəlilov, müavini Elbrus Tağıyev, Qax bələdiyyəsinin sədri Eyvaz Orucov və Qax rayon Mənzil-Kommunal Təsərrüfatı Birliyinin rəhbəri Eldəniz Şabanov saxlanılaraq Bakı şəhərinə aparılıblar.

***

saat 15:40

Dövlət Təhlükəsizliyi Xidmətinin (DTX) Qax rayon İcra Hakimiyyətində həyata keçirdiyi əməliyyat davam edir.

Lent.az xəbər verir ki, icra başçısı Musa Şəkiliyevlə birlikdə müavinlərinin də saxlanıldığı deyilir.

Onlarla bağlı rüşvət alma, mənimsəmə və vəzifə səlahiyyətlərini aşma faktları əsasında araşdırma aparılır.

***

saat 14:50

Dövlət Təhlükəsizlik Xidməti Qax rayonunda əməliyyat keçirib.

Lent.az xəbər verir ki, əməliyyat nəticəsində rayon İcra Hakimiyyətinin başçısı Musa Şəkiliyev və bir neçə vəzifəli şəxs saxlanılıb.

Əməliyyatın motivləri barədə ətraflı məlumat hələlik yoxdur.

Qeyd edək ki, bu barədə xəbəri news24.az saytı yayıb.