Dörd yaşlı qızın dəfnində QƏTL: Dayısını DOĞRADILAR

Yamaykada ölən qızın dayısı dəfn mərasimi zamanı bıçaqlanaraq öldürülüb.

Lent.az-ın xarici mediaya istinadla xəbərinə görə, Haddersfild şəhərində 4 yaşlı Akayliya Makleyn doğulduğu gündən əziyyət çəkdiyi ürək xəstəliyindən vəfat edib. Dəfn mərasimi zamanı mərhumun yaxınları arasında dava düşüb.

Polisin məlumatına görə, dava zamanı adı açıqlanmayan şəxsin bıçaq çıxararaq Makleynin dayısı, 60 yaşlı Marvin Uotsonu ölümcül bıçaqlaması ilə başa çatıb. Zərərçəkən xəstəxanaya aparılarkən yolda dünyasını dəyişib.

Qətldə şübhəli bilinən şəxs hadisə yerindən qaçıb. Onun 30-a yaxın yaşı olduğu və əvvəllər qanunla bağlı problemləri olduğu məlum olub. Əvvəlcə qızların yaxınları onun həm də mərhumun dayısı olduğunu bildirsələr də, polis bu məlumatı təsdiqləməyib. Dəfn mərasimində iştirak edənlərdən heç biri münaqişənin səbəblərini deyə bilməyib.