Rusiyanın Primorsk diyarında rüşvət alan polis zabiti saxlanılıb.
Lent.az yerli mediaya istinadla bildirir ki, Vladivostok şəhərində post-patrul xidməti tağımının komandir müavini rüşvət almaqda və vəzifə səlahiyyətlərindən sui-istifadə etməkdə şübhəli bilinərək həbs edilib. İstintaq zamanı təqsirləndirilən şəxs istintaq təcridxanasına göndərilib.
İstintaqın məlumatına görə, aprel ayında polis xüsusi külli miqdarda narkotik vasitələrin satışına cəhddə şübhəli bilinən şəxsi saxlayıb. Daha sonra polis zabiti kənar şəxslər vasitəsilə narkotik satıcısını cinayət məsuliyyətindən azad etmək üçün 150 min rubl rüşvət alıb.
Araşdırmalar davam etdirilir.