Bakının Nərimanov rayonunda yanğın hadisəsi baş verib.
Lent.az APA-ya istinadla xəbər verir ki, hadisə Sabunçu qəsəbəsində qeydə alınıb.
Alovlanma ilk olaraq Yefim Saratov küçəsində yerləşən fərdi yaşayış evinin damında müşahidə edilib. Bunu görən qonşular aidiyyatı üzrə FHN-nin Dövlət Yanğından Mühafizə Xidmətinə məlumat verib. Əraziyə 3 yanğınsöndürən texnika və canlı briqada cəlb edilib. Alovun hadisə baş verən ünvana bitişik digər evlərə keçməsinin qarşısı alınıb.
Qonşuların APA-nın hadisə yerində olan əməkdaşına verdiyi məlumata görə, yanğın zamanı evin sakinləri başqa ünvanda olub. Yanğın evin mətbəxindən başlayıb.
Hadisə nəticəsində evin əşyaları yanaraq külə dönüb.
Əraziyə Nərimanov Rayon Polis İdarəsinin əməkdaşları cəlb edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
