Bakıda avtomobillərdən oğurluq edilib

Bakıda avtomobillər qarət olunub.

Daxili İşlər Nazirliyindən Lent.az-a verilən məlumata görə, Suraxanı rayonu Qaraçuxur qəsəbəsi ərazisində “Ford” markalı bir avtomobildən 1600 manat pul və mobil telefon, Nizami rayonunda isə “Hyundai” markalı avtomobildən içərisində pul, bank kartları və sənədlər olan çanta oğurlanıb.

Suraxanı rayon Polis İdarəsinin 32-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində oğurluqda şübhəli bilinən paytaxt sakini Nadir Qurbanov, Nizami rayon Polis İdarəsinin 24-cü Polis Şöbəsi əməkdaşlarının keçirdikləri əməliyyat tədbiri nəticəsində isə Goranboy rayon sakini, əvvəllər məhkum olunmuş Elmin Əliyev müəyyən olunaraq saxlanılıb.

Hər iki faktla bağlı araşdırma aparılır.