Azərbaycanda azyaşlı bacılar MÜƏMMALI şəkildə öldü

Sumqayıtda 2 azyaşlı ölüb.

Lent.az-ın APA-ya istinadla məlumatına görə, ölənlərin 4 yaşlı Allahverdiyeva Əsra Şahbaz qızı və bacısı 6 yaşlı Allahverdiyeva Aynaz Şahbaz qızı olduğu bildirilir.

İlkin ehtimala görə, uşaqların ölümünə qida zəhərlənməsi səbəb olub. Onların fıstıq və pomidor yedikdən sonra vəziyyətlərinin pisləşdiyi bildirilir.

Onların meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Sumqayıt şəhər şöbəsinə təhvil verilib. Ölümün səbəbləri ekspertizadan sonra məlum olacaq.

Faktla bağlı araşdırma aparılır.