Şəkidə bıçaqlanma hadisəsi olub.
Lent.az xəbər verir ki, ailə münaqişəsi zəmnində ər arvadına və özünə bıçaqla xəsarət yetirib.
Hər iki şəxs Şəki Rayon Mərkəzi Xəstəxanasına yerləşdirilib.
Ərin üzərində cərrahi əməliyyat aparılıb.
Qadının xəsarəti yüngül olduğundan ona lazımi tibbi yardım göstərilərək evə buraxılıb.
Faktla bağlı Şəki Şəhər-Rayon Polis Şöbsində araşdırma aparılır.
Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov Lent.az-a bildirib ki, Şəki şəhər sakinləri olan Xaqani Nuriyev və həyat yoldaşı Günəş Nuriyeva arasında şəxsi münasibətlər zəmnində mübahisə baş verib.
Mübahisə zamanı X. Nuriyev həyat yoldaşının boğaz nahiyəsinə bıçaqla cuzi xəsarət yetirib.
Daha sonra X. Nuriyev bıçaqla özünə xəsarət yetirib. Məsələ ilə bağlı Şəki Şəhər Rayon Polis Şöbəsində istintaq araşdırmalarına başlanılıb, hər iki şəxsdə xəsarətlərin dərəcəsinin müəyyən edilməsi məqsədilə məhkəmə - tibbi ekspertizası təyin olunacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
