Maşınla vurulan velosipedçi xəstəxanaya düşdü

Lənkəranda velosipedçini maşın vurub.

APA-nın cənub bürosunun verdiyi məlumata görə, hadisə ötən gecə qeydə alınıb. Lənkəran şəhər sakini, 48 yaşlı Rahim Balamirzə oğlu Məmmədov velosipedlə şəhərin Nizami küçəsi ilə hərəkətdə olarkən naməlum avtomobil tərəfindən vurulub. Velosipedçi zərbənin təsirindən yol kənarındakı kanala düşüb.

Piyada xəstəxanaya yerləşdirilib, vəziyyəti ağır qiymətləndirilir.

Faktla bağlı araşdırma aparılır.