Bakıda sürücü yol polisi zabitini döydü

Lent.az-ın məlumatına görə, rayon ərazisində Bakı şəhər Dövlət Yol Polisi İdarəsinin leytenantı, 1981-ci il təvəllüdlü Murad Ağamalıyev yol-hərəkət qaydasını kobud şəkildə pozmuş Naxçıvan Muxtar Respublikası, Babək rayon Cəhri kənd sakini 1981-ci il təvəllüdlü Sərvər Niftəliyevin idarə etdiyi “Mercedes”i saxlayıb.

Bu zaman sürücü ilə yol polisi zabiti arasında insident yaşanıb. 31 yaşlı sürücü yol polisini döyərək ona müxtəlif dərəcəli bədənə xəsarətləri yetirib.

Bədəninin müxtəlif nahiyələrindən xəsarətlər almış yol polisi xəstəxanaya yerləşdirilib. S.Niftəliyev isə saxlanılıb.

Fakt üzrə müvafiq qurumlarda araşdırma aparılır.

Nizam RZA