Müğənnimiz avtomobil qəzasına düşdü

Müğənninin prodüserinin Lent.az-a verdiyi məlumata görə, hadisə ötən gecə Xətai rayonu ərazisində baş verib.

Yol qəzası gecə saat 02:00 radələrində Əhmədli metrosunun yaxınlığındakı “Lukoil” yanacaqdoldurma məntəqəsi yaxınlığında olub. “Lada” markalı avtomobil Ceyhun Neymətovun idarə etdiyi “Wolksvagen Passat” markalı maşınla toqquşub. Nəticədə hər iki sürücü müxtəlif dərəcəli bədən xəsarətləri alıb.

Hadisə nəticəsində ayağı sınan müğənni hadisəni anidən baş verdiyini deyib: “Xalqlar Dostluğu”ndan “Əhmədli” metrosuna doğru gedirdim. Qarşı tərəf üçün işıqforun qırmızı işığı yansa da, sürücü buna məhəl qoymadan qaydanı pozaraq yüksək sürətlə keçib maşınımı vurdu. Mən ayağımdan yaralandım, yanımda olan dostum Xəyal başından bərk zədələndi”.

Müğənni ayağında sınıq diaqnozu, dostu isə kəskin baş-beyin travması ilə Sabunçu rayon xəstəxanasına çatdırılıb. Hazırda vəziyyəti normal olan yaralılar ev şəraitində həkim nəzarəti altında müalicə olunurlar.