“Təfəkkür” Universitetinin prorektoru amansızlıqla öldürüldü - YENİLƏNİB

Sentyabrın 16-da Bakıda kişi meyiti tapılıb. Yasamal rayon Polis İdarəsindən Lent.az-a verilən məlumata görə, 1942-ci il təvəllüdlü Əhmədov Tariyel İbrahim oğlunun üzərində xəsarətlər olan meyiti bu gün səhər saatlarında aşkarlanıb.

Yasamal rayon Prokurorluğundan Lent.az-a verilən məlumata görə, Şərifzadə küçəsi 527/21-ci məhəllədə yaşayan T.Əhmədovun meyiti bu gün saat 08:0 radələrində baş ərazidəki süni örtüklü stadionda tapılıb. Onun başının sol tərəfində və ənsəsində xəsarətlər olub. Hazırda meyit ekspertizaya göndərilib.

T.Əhmədovun qətl və ya bədbəxt hadisə nəticəsində öldüyü hələlik məlum deyil.

Yasamal rayon prokurorunun köməkçisi Fəridə Bəhramovanın Lent.az-a verdiyi məlumata görə, isə hadisənin qətl olduğu dəqiqləşib və faktla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb.

Hadisə yerində olan polis əməkdaşı isə Lent.az-a bildirib ki, hadisə baş vermiş yerdə maddi sübut götürülüb.

Qeyd edək ki, “Təfəkkür” Universitetinin prorektoru olan T.Əhmədov fəlsəfə elmləri doktoru, professordur.

Nizam RZA