Ağdaşda avtomobil iki məktəbli qızı vurub

Rayon Polis Şöbəsinin müstəntiqi Şirazi Qasımzadə APA-ya bildirib ki, 1990-cı il təvəllüdlü Xəlilov Tural Mahir oğlu 10-MC-387 dövlət nömrə nişanlı “VAZ 2106” markalı maşınla bu gün səhər saatlarında 20 Yanvar küçəsində yüksək sürətlə hərəkətdə olarkən yolu keçən piyadaları - 1996-cı il təvəllüdlü Şərifzadə Gülpəri Əhməd qızını və 1995-ci il təvəllüdlü Günəşova Qumral Neman qızını vurub. Müxtəlif dərəcəli bədən xəsarətləri alan məktəbli qızlar Ağdaş Mərkəzi rayon Xəstəxanasına yerləşdirilib.
Həmçinin, rayonun Cardam kənd sakini 1956-cı il təvəllüdlü Kərimov Oruc Hacıbala oğlu dünən gecə 10-KA-238 dövlət nömrə nişanlı “VAZ 21011” markalı maşını içkili vəziyyətdə yüksək sürətlə idarə edərkən yoldan çıxararaq aşırıb. Hadisə nəticəsində ağır bədən xəsarətləri alan sürücü reanimasiya şöbəsinə yerləşdirilib. Hər iki faktla bağlı Ağdaş rayon Polis Şöbəsi tərəfindən araşdırma aparılır.